昨晚難得仔女嘅配合，晚上能抽時間將GIRLS AND BOYS 全劇讀一次，逐幕逐幕錄下來，希望讓翻譯聽一聽我讀的版本是怎樣、認識我的語感，可以刺激下、比啲靈感大翻譯黃小姐。
每次讀，都是那麼震撼，那麼痛。
《#女與兒》呢個名字與過往作品不同，呢個名第一個感覺係「媽媽戲」，觀眾大概估講兒女，講父母，很容易會下決定lose interest。例如：OL/文青唔會同friend講：「喂，你有無追《反起跑線聯盟》呀？」
單單題目，就已經定了那套戲的命運。某程度上，我自己都有嫌棄過Girls and Boys。故事是關於一個媽媽，關於她和她的先生，關於他們的兒女。可是，宣傳上我不想太過「媽媽劇」，不想嚇走OL文青觀眾，連設計宣傳海報都盡量想tone down 呢件事。
呢刻回想，這個決定是錯的。
如果你是橙，點解要當你蘋果咁賣？
當天我入貨，係因為覺得呢個橙好味，想推薦比身邊嘅人，何解因為覺得橙唔夠吸引，要佢扮蘋果？
不如誠誠實實告訴大家，呢個橙到底是什麼，來自咩出產地？係咩泥土種？農夫怎樣悉心照顧它令它鮮甜？食過嘅人點諗等等。
誠誠實實向大家介紹呢個橙，才是首要。
回想劇中的一切，
不就是因為角色一直以為對方是蘋果，
到發現對方原來是橙時，
一切都變得太遲了。